#filmshooting

ലോകമേ നിങ്ങളിത് കാണുക ഇത് മാത്രം കാണുക ശരീരം ഉരുക്കുപോലെ കടഞ്ഞെടുത്ത് മനസ്സ് പലകുറി ഉരുക്കി ഒരുക്കിയെടുത്ത് ജീവനും ആത്മാവും ഉപ്പുറ്റിയിൽ ഉറപ്പിച്ചു നിർത്തി ഊർജവും ശ്വാസവും കാലിന്റെ അറ്റത്ത് കൂർപ്പിച്ചു വച്ച് ഉറക്കമില്ലാതെ പടക്കുതിരയെ പോലെ ഓടി കാറ്റ് നിറച്ച ഗോളത്തിനെ പിന്തുടരുമ്പോൾ.. ഭൂഗോളത്തിലെ സകല കണ്ണുകളും അവരെ അവരുടെ പടയാളികളെ പ്രതീക്ഷയോടെ നോക്കുന്നു.. എന്നാൽ എല്ലാം അവസാന വിസിൽ മുഴങ്ങുന്നത് വരെ മാത്രം.. അത് വരെ നടന്ന യുദ്ധം അവസാനിക്കുന്നു.. മഹാ പർവ്വങ്ങൾ മഞ്ഞുപോലെ ഉരുകുന്നു ഒന്നായി ചേർന്ന് നിന്ന് പുണർന്ന് നിൽക്കുമ്പോൾ.. പരസ്പരം ആശ്വാസവും അനുമോദനവും കൈ മാറുമ്പോൾ.. ആശയങ്ങളെ മാത്രം എതിർത്ത് ആശയത്തിന്റെ ഉടമയെ ഉൾകൊള്ളാൻ ഇതുവരെ നാം പഠിച്ചിട്ടുണ്ടോ പഠിപ്പിച്ചിട്ടുണ്ടോ? വൈരാഗ്യവും വെറുപ്പും പോർവിളിയും കൊലവിളിയും മത്സരവും നമ്മൾ തുടരുന്നു എന്നാണ് ഇനി നാം മാറുക... ലോകമേ ഇത് കാണുക

അന്യനാട്ടിൽ പിഞ്ചോമനയെ ക്രൂരമായി.... മൗനം പൂണ്ടിരിക്കാം അത് സ്ക്രോളുന്ന വെറും ബ്രേക്കിങ് വാർത്തയല്ലേ. നമ്മുടെ നാട്ടിൽ ഒരു പിഞ്ചോമനയെ ക്രൂരമായി... മൗനം പൂണ്ടിരിക്കാം അത് സ്ക്രോളുന്ന വെറും ബ്രേക്കിങ് വാർത്തയല്ലേ. അയൽവക്കത്ത് ഒരു പിഞ്ചോമനയെ ക്രൂരമായി.. മൗനം പൂണ്ടിരിക്കാം അത് സ്ക്രോളുന്ന വെറും ബ്രേക്കിങ് വാർത്തയല്ലേ. നിങ്ങളുടെ വീട്ടിൽ ഒരു പിഞ്ചോമനയെ..................................... ....... 🔴🔴🔴🔴🔴🔴🔴🔴🔴🔴🔴🔴 ഓരോ ദിവസവും കൂടി കൂടി വരുന്ന കേസുകൾ.. നിയമത്തിനെ പഴിച്ചാൽ നമ്മുടെ കടമ കഴിഞ്ഞോ.. ഓരോ കേസിന്റെയും പ്രതിയുടെ രാഷ്ട്രീയം നോക്കിയാണ് ഇവിടെ ചില പ്രമുഖർ പോലും വാ തുറക്കുന്നത്.. നിവർത്തി ഇല്ലാതെ കുഞ്ഞുങ്ങളെ വീട്ടിൽ തനിച്ചാക്കി പോകേണ്ടി വരുന്ന ആളുകൾക്ക് ആശ്രയമായി ഒരു അംഗൻവാടി മാതൃകയിൽ ഒരു പകൽ വീടിനെ കുറിച്ച് ചിന്തിക്കേണ്ട സമയമായിരിക്കുന്നു.. കുഞ്ഞുങ്ങളുടെ കാര്യത്തിലെങ്കിലും ഈ അഴുകിയ രാഷ്ട്രീയ വൈരാഗ്യം മാറ്റി വയ്ക്കൂ.. കുറഞ്ഞത് ആളൂർ വാദികളെങ്കിലും ഇവിടെ ഇല്ലാതാകട്ടെ.

മുഹമ്മദിന്റെ അരികിലേയ്ക്ക് 18 കോടി എന്ന മലയെ എത്തിച്ച മലയാളി പൊളിയാണ്.. തർക്കമില്ല.. അതിൽ ഓരോ രൂപയ്ക്കും പ്രകൃതി കണ്ണീർ പൊഴിക്കുന്നുണ്ട് ആദരമായി... പക്ഷേ നമുക്കിത് കടമയാണ്.. എന്നാൽ എത്ര നാൾ എത്ര പേർക്ക് നമുക്ക് കൈത്താങ്ങാകാൻ കഴിയും.. കുറച്ചു ചോദ്യങ്ങൾ ബാക്കി ആകുന്നു.. എങ്ങനെ ഈ ജനിതക രോഗം വരുന്നു? സമാനമായ രോഗമുള്ളവരോ മറ്റ് തീവ്ര അസുഖമുള്ളവർക്കോ വേണ്ടി crowd funding- ലൂടെ സർക്കാർ ഒരു ഇൻഷുറൻസ് പദ്ധതി ആരംഭിച്ചാൽ ഇതേ പോലെ കൈകോർത്ത് ഒരുപാട് പേരെ രക്ഷിക്കാൻ നമുക്ക് കഴിയില്ലേ.. അസുഖത്തിന് വേണ്ടി ചികിത്സകൾ നടക്കുമ്പോൾ super speciality ആശുപത്രികൾ പൊങ്ങുമ്പോൾ.. ഇത്തരം അസുഖങ്ങൾ എങ്ങനെ വരുന്നു എന്നൊരു ചിന്ത പോലും ഇവിടെ ഉണ്ടാകില്ല.. ഉണ്ടായാൽ തന്നെ കോടികണക്കിന് മുതൽ മുടക്കുന്ന മരുന്ന് കമ്പനികൾ മരുന്ന് മാഫിയകൾ അതിന് അനുവദിക്കില്ല.. മലിനമായ വായു വിഴുങ്ങി, മലിന ജലം കുടിച്ച്, അന്നത്തിൽ സകല വിഷവും മായവും കലർത്തി തിന്നിട്ട്.. അതിനെതിരെ ഒരു ചെറു വിരൽ അനക്കാൻ പോയിട്ട് ഒരു ചിന്ത പോലും ഉണ്ടാകുന്നില്ല. വെറും നോക്ക്‌ കുത്തിയായി നിയമങ്ങളും ഇതിനെല്ലാം കൂട്ട് നിക്കുന്നു ... പെരുകുന്ന അസുഖങ്ങളെ തടയാൻ എന്തെങ്കിലും ചെയ്യാതെ.. എങ്ങനെ എത്ര നാൾ നമുക്ക് മുന്നോട്ട് പോകാൻ ഈ വറുതികാലത്ത് കഴിയും.